«Śledčyja zatrymali kiraŭnika adnoj sa škoł Bresckaj vobłaści pa padazreńni ŭ piedafilii. U chodzie śledčych dziejańniaŭ, praviedzienych supracoŭnikami USK pa Bresckaj vobłaści, ustanoŭlena, što mužčyna, znachodziačysia pa miescy pracy, z metaj zadavalnieńnia svajoj pałavoj žarści, z užyvańniem hvałtu i nasupierak voli zaviedama dla jaho niepaŭnaletniaj ździejśniŭ u dačynieńni da jaje hvałtoŭnyja dziejańni seksualnaha charaktaru», — paviedamlaje pres-słužba Śledčaha kamiteta.
Kiraŭnik ustanovy adukacyi zatrymany, ź im pracujuć śledčyja. Zaviedziena kryminalnaja sprava pa č.2 art.167 KK Respubliki Biełaruś. U ciapierašni čas zdaroŭju dziciaci ničoha nie pahražaje.
Jak paviedamlaje kp.by, dyrektaru za 60 hadoŭ, a achviara zusim maleńkaja: joj 10-11 hadoŭ. Siońnia ŭ škole iduć dopyty.
