Dvojčy za minułyja sutki padraździaleńni ratavalnikaŭ vyjazdžali likvidavać rtuć.
Jak paviedamlaje pres-słužba MNS, u stalicy na vulicy Vaŭpšasava kala 15.00 24 vieraśnia pry praviadzieńni budaŭničych rabot znajšli dźvie kieramičnyja jomistaści z rtućciu. Ahulnaja masa niebiaśpiečnaha mietału skłała 700 h. Pry hetym 50 ź ich było raźlita na płoščy 0,5 kv. m.
Rabotnikami MNS praviedzieny zamiery miežava-dapuščalnaj kancentracyi paroŭ rtuci, jakija pakazali pieravyšeńnie ŭ čatyry razy. Ratavalniki pravodzili raboty pa demierkuryzacyi. Paciarpiełych niama, evakuacyja nie spatrebiłasia.
U toj ža dzień praź niekalki hadzin pastupiŭ vyklik maładziečanskim ratavalnikam ab tym, što na pryvatnym padvorku ŭ vioscy Lebiedzieva znojdzieny słoik z rtućciu.
Da miesca vykliku była nakiravana słužba chimičnaj i radyjacyjnaj abarony pažarnaha avaryjna-ratavalnaha atrada Maładziečanskaha padraździaleńnia MNS.
Vyśvietliłasia, što pry praviadzieńni ziemlanych rabot na padvorku haspadar znajšoŭ šklany słoik, u jakim znachodziŭsia zakryty słoik z rtućciu, masaj kala 250 h. Mietał nie byŭ raźlity.
Rabotnikami MNS z dapamohaj analizatara rtuci zrobleny zamier kancentracyi paroŭ rtuci ŭ pavietry, pakazańni ŭ normie. Rtuć kanfiskavanaja. Paciarpiełych niama.
