Rasijanie zabiaśpiečvajuć amal 70% dachodaŭ Biełarusi ad turyzmu. Ab hetym paviedamiŭ siońnia žurnalistam namieśnik ministra sportu i turyzmu Časłaŭ Šulha.

«U hetym hodzie pavialičyłasia kolkaść turystaŭ z Rasii, istotna vyras prytok sa Smalenska, Branska, Pskova. Pryčym rasijskija turysty stali bolš tracić na adpačynak. Amal 70% ad ahulnaha ekspartu turpasłuh my atrymali za košt rasijskich turystaŭ», — raskazaŭ Časłaŭ Šulha. U cełym ekspart turpasłuh za studzień-lipień 2014 hoda skłaŭ $149,2 młn, što na 12,3% bolš, čym za anałahičny pieryjad 2013 hoda.

Rasijanie ŭ hetym hodzie stali čaściej pryjazdžać u Biełaruś pa ekskursijnych prahramach. Samymi zapatrabavanymi źjaŭlajucca tury ŭ Mir, Niaśviž i Połack. Papularnaść taksama nabyvajuć padarožžy pa zialonych maršrutach i adpačynak u kiempinhach.

Pry hetym Časłaŭ Šulha padkreśliŭ, što kolkaść turystaŭ pavialičvałasia nie tolki za košt rasijan. «U hetym hodzie ŭ cełym pavialičyłasia kolkaść ludziej, jakija adpačyvali ŭ našaj krainie. Na heta paŭpłyvała ŭ tym liku i situacyja va Ukrainie. Usie miescy dla adpačynku, u tym liku ŭ ahrasiadzibach, kiempinhach, byli zapoŭnieny», — skazaŭ jon.

Pavodle danych Minsportu i turyzmu, za studzień-lipień hetaha hoda amal 67% turystaŭ pryjechali ŭ Biełaruś z krain SND, ź ich amal 62% — hramadzianie Rasii. Na druhim miescy pa ŭjaznym turyźmie znachodzicca Vialikabrytanija (6,3% padarožnikaŭ), treci radok zajmaje Hiermanija (5,8%). Papularnaja Biełaruś taksama ŭ turystaŭ z Turcyi, Italii, Polščy. Časłaŭ Šulha ličyć, što Biełarusi ŭ pieršuju čarhu treba pavialičvać kolkaść turystaŭ z susiednich krain. «U hetym płanie my pakul niedapracoŭvajem», — skazaŭ namieśnik ministra.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?