Biełaruskaja śpiavačka nazvała siabie «ruskim čałaviekam» i ŭziała ŭdzieł u prapahandysckaj kampanii Kramla.
Z aŭtorka ŭ centry Maskvy la pomnika Alaksandru Puškinu prachodzić biaspłatny abmien futbołak z zamiežnaj simvolikaj na futbołki ź militarysckimi łozunhami. Akcyja zadumanaja jak adkaz na zachodnija sankcyi, vyklikanyja akupacyjaj Krymu i častki Danbasa rasiejskimi vojskami.
Da prapahandysckaj kampanii padklučyłasia biełaruskaja śpiavačka Anžalika Ahurbaš. U intervju arhanizataram mierapryjemstva jana raspaviała, čamu apranuła majku z nadpisam «Nie śmiašycie maje «Iskandery».
«Dla rasiejskaha čałavieka sankcyi — heta toje ž samaje, što miadźviedzia pałochać kamarami», — skazała jana, tłumačačy, čamu nie baicca sankcyj Zachadu. Śpiavačka skazała, što «naradziłasia ŭ Biełarusi, i joj dastatkova bulby, abarankaŭ i kvašanaj kapusty, kab pražyć».
