Biełaruskija hracyi nie trapili ŭ lik pryzioraŭ u finale mnahaborja čempijanatu śvietu pa mastackaj himnastycy ŭ tureckim Iźmiry.

Lidarka biełaruskaj zbornaj Mielicina Staniuta ŭ sumie čatyroch praktykavańniaŭ (miač, abruč, stužka, bułavy) nabrała 69,482 bała i zaniała siomuju vynikovuju pazicyju ŭ pratakole spabornictvaŭ. Radkom nižej apynułasia jašče adna biełaruska Kaciaryna Hałkina. Tryumfatarami suśvietnaha pieršynstva stali rasijskija «mastački» — Jana Kudraŭcava zavajavała čempijonski tytuł (75,266 bała), srebra ŭ Marharyty Mamun (74,149). Bronzavy miedal u aktyvie ŭkrainskaj himnastki Hanny Ryzatdzinavaj (72,449).

Pa vynikach asabistych spabornictvaŭ pryz za elehantnaść atrymała Jana Kudraŭcava. U Iźmiry 16-hadovaja rasijanka była lepšaj, zavajavaŭšy zołata ŭ čatyroch naminacyjach — mnahaborje, abruč, miač i bułavy, a taksama sierabro ŭ praktykavańniach sa stužkaj.

U skarboncy biełaruskich spartsmienak pakul dźvie ŭznaharody suśvietnaha pieršynstva — srebra ŭ kamandnym turniry (Mielicina Staniuta, Kaciaryna Hałkina, Aryna Šarapa) i bronza Staniuty ŭ praktykavańniach ź miačom.

Ciapier na čempijanacie śvietu ŭ baraćbu za ŭznaharody ŭstupiać «hrupavički» — siońnia buduć vyznačany lepšyja kamandy ŭ mnahaborji, a ŭ zaklučny dzień spabornictvaŭ, 28 vieraśnia, adbuducca finały hrupavych spabornictvaŭ z asobnymi pradmietami.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?