Detalny i realistyčny pakaz bajoŭ u sučasnych kampjutarnych hulniach, knihach i inšych miedyja moža śviedčyć ab tym, jakimi buduć bajavyja dziejańni ŭ bližejšyja dziesiacihodździ, ličać udzielniki prajektu mižnarodnaha analityčnaha centra Atlantic Council

«Da mianie pryjšła dumka, što mastackija tvory na hetuju temu majuć pierakanaŭčuju siłu i intuityŭna šmat u čym pravilnyja. U pryvatnaści, u sfery vykarystańnia i znajomych nam, i novych technałohij», — adznačyŭ ekspert Styvien Hrandmen, jaki raspačaŭ praekt «Mastactva budučaj vajny»

Takim čynam, sučasnyja kampjutarnyja hulni, filmy i knihi pra budučyja vojny nie tolki demanstrujuć fantaziju tvorcaŭ, ale i pierakonvajuć miljony ludziej u tym, što mienavita takimi mohuć być vojny — to bok u niečym źjaŭlajucca praroctvam, jakoje zbyvajecca tamu, što ludzi ŭ jaho mohuć pavieryć.

Aficyjny trejler «Call of Duty: Black Ops 2».

Dla pracy Hrandmen zaprasiŭ, naprykład, adnaho z hałoŭnych raspracoŭščykaŭ zvyšpapularnaj hulni «Call of Duty: Black Ops» Dejva Entani.

«My i nie dumali, što chtości vyrašyć skantaktavacca z tvorčymi ludźmi, kab prahnazavać budučyja kanflikty i pryrodu hetych kanfliktaŭ. Toje, što jany źviarnulisia da nas, było absalutna niečakanym. Našaj pracaj budzie łamać zvykłyja struktury i padychodzić da spravy z zusim inšaj pierśpiektyvy», — zaznačyŭ Entani.

U praekcie taksama prymuć udzieł inšyja vajskovyja analityki, u tym liku staršyja aficery armii ZŠA, a taksama ludzi mastactva, naprykład, znakamity aŭtar scenaryjaŭ da filmaŭ pra Betmena Devid Hojer.

Realny načny boj u Iraku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?