U Minsku raskryty razbojny napad na ciažarnuju žančynu.
Jak paviedamlaje HUUS Minharvykankama, niekalki dzion tamu ŭ milicyju źviarnułasia 33-hadovaja ciažarnaja žančyna. Jana raskazała, što kala bankamata pa vulicy Bieruta na jaje napaŭ mužčyna. Prystaviŭšy da žyvata vielizarny kuchonny nož, jon zapatrabavaŭ źniać z kartki ŭsie hrošy i addać jamu. Žančyna, aścierahajučysia za svajo žyćcio i žyćcio svajho budučaha dziciaci, źniała 2.800.000 rubloŭ i addała złačyncu.
Supracoŭniki kryminalnaha vyšuku Frunzienskaha RUUS stalicy asobu padazravanaha ŭstanavili na praciahu hadziny.
Adnak zatrymać jaho adrazu nie ŭdałosia. Złamyśnika znajšli praz sutki ŭ kvatery z reputacyjaj prytonu. Dvaccacitrochhadovy niepracoŭny minčanin, raniej sudzimy za majomasnyja złačynstvy i niezakonny abarot narkotykaŭ, byŭ dastaŭleny ŭ rajonnaje UUS. Frunzienskim (Minska) rajonnym adździełam Śledčaha kamiteta raspačataja kryminalnaja sprava pa fakcie razbojnaha napadu.
Padčas dalejšych apieratyŭna-vyšukovych mierapryjemstvaŭ supracoŭnikami kryminalnaha vyšuku było ŭstanoŭlena dačynieńnie zatrymanaha da razbojnaha napadu ŭ toj ža dzień tryma hadzinami raniej.
Mužčyna, znachodziačy ŭ pamiaškańni łambarda, z prymianieńniem naža sprabavaŭ zavałodać hrašyma i juvielirnymi ŭpryhažeńniami na 250 miljonaŭ rubloŭ.
Akramia taho, zaraz ustanaŭlivajecca dačynieńnie maładoha čałavieka da sieryi kradziažoŭ z aŭtamabilaŭ.
