Słužba biaśpieki Ukrainy pieraškodziła spłanavanamu rasijskimi śpiecsłužbami zhonu na terytoryju RF ukrainskaha vajskovaha samalota-vyviednika Su-24M.
Pra heta ŭ aŭtorak paviedamlaje pres-słužba viedamstva.
22 vieraśnia byŭ zatrymany zavierbavany rasijskaj vajennaj vyviedkaj dla vykanańnia hetaj zadačy hramadzianin Ukrainy «K», 1970 h. n, namieśnik kamandzira avijacyjnaj (raźviedvalnaj) eskadrylli, jaki ŭdzielničaŭ u praviadzieńni ATA.
SBU vyjaviła, što pryciahnieńnie ŭkrainskaha vajskoŭca da realizacyi złačynnych namieraŭ rasijskija śpiecsłužby ažyćciaŭlali ŭ niekalki etapaŭ, u tym liku šlacham pahroz fizičnaha hvałtu ŭ dačynieńni da členaŭ siamji lotčyka.
Vykonvajučy zadańni rasijskaj śpiecsłužby, lotčyk pavinien byŭ u chodzie vykanańnia bajavych palotaŭ u zonie ATA ažyćciavić kradziež bajavoha samalota i pasadzić jaho na aeradromie ŭ horadzie Kursk (RF).
Dla vyvadu skradzienaha samalota na aeradrom pasadki «K» pavinien byŭ sustreć rasijski samalot. U vypadku niemahčymaści pasadzić samalot na peŭny aeradrom z-za pahrozy prymianieńnia srodkaŭ SPA piłot pavinien byŭ katapultavacca nad terytoryjaj RF.
Kontrvyviedka SBU svoječasova vykryła złačynnyja namiery i zrabiła niemahčymaj ich realizacyju šlacham adchileńnia «K» ad palotaŭ.
Śledčym adździełam USBU ŭ Chmialnickaj vobłaści raspačata kryminalnaja sprava pa st.111 Kryminalnaha kodeksa (dziaržaŭnaja zdrada).
Lotčyku pahražaje da 15 hadoŭ pazbaŭleńnia voli.
«Kontrvyviedka papiaredžvaje vajskoŭcaŭ ab niebiaśpiecy pravakacyj z boku zamiežnych śpiecsłužbaŭ i zaklikaje być pilnymi i zastavacca viernymi prysiazie Narodu Ukrainy», — reziumujuć u SBU.
