Pałata pradstaŭnikoŭ Nacyjanalnaha schodu 2 kastryčnika pryniała ŭ druhim čytańni papraŭki ŭ niekatoryja kodeksy, jakija tyčacca niezakonnaha palavańnia i rybałki.
Tak, Kryminalny kodeks budzie dapoŭnieny art. 282-1, jaki praduhledžvaje adkaznaść za niezakonnaje pieramiaščeńnie (transparciroŭku) abo raździełku dzikich žyvioł. Hety artykuł składajecca z troch častak. Jany praduhledžvajuć adkaznaść za pieramiaščeńnie abo raździełku dzikich žyvioł, jakija adnosiacca da abjektaŭ palavańnia, u tym liku zahinułych, u vypadkach, jakija zabaronieny zakanadaŭčymi aktami ŭ śfiery achovy i vykarystańnia abjektaŭ žyviolnaha śvietu.
Norma hetaha artykuła raspaŭsiudžvajecca na vypadki, kali parušeńnie adbyłosia ŭ zapaviedniku, nacyjanalnym parku, zakaźniku abo na radyjeaktyŭna zabrudžanaj terytoryi, dzie ŭstanoŭleny kantrolna-prapuskny režym, a taksama kali vinavaty zaraniej viedaŭ, što žyvioła ŭklučana ŭ Čyrvonuju knihu.
Zhodna z papraŭkami ŭ art. 6.10 Kodeksa ab administracyjnych pravaparušeńniach, niezaležna ad pryznačanaha spahnańnia abo vyzvaleńnia ad administracyjnaj adkaznaści, pavinna prymianiacca śpiecyjalnaja kanfiskacyja pryład niezakonnaha palavańnia i zdabyčy ryb i vodnych žyvioł.
Zakonaprajektam taksama prapanoŭvajecca ŭdakładnić u Kryminalnym kodeksie pieralik dziejańniaŭ u dačynieńni da zdabyčy ryby abo inšych vodnych žyvioł, za ŭčynieńnie jakich praduhledžvajecca adkaznaść u vyhladzie štrafu, papraŭčych rabot na termin da dvuch hadoŭ abo aryštu. Pieralik dapaŭniajecca takimi dziejańniami, jak zdabyča ryby abo inšych vodnych žyvioł u zabaronienyja terminy, u zabaronienych miescach, zabaronienymi sposabami.
Akramia hetaha, praduhledžana pavysić u dva z pałovaj razy pamier uronu, jaki pryznajecca bujnym i asabliva bujnym.