Ukrainskija vajennyja kažuć, što situacyja «ŭ rajonie Danieckaha aeraporta pad kantrolem sił ATA». Pra heta paviedamlaje Bi-Bi-Si sa spasyłkaj na staronku pres-centra atama ŭ Facebook.
Daradca ministra abarony Alaksandr Daniluk paviedamiŭ, što «ŭ aeraporcie praviali častkovuju ratacyju». «Zajšli novyja ŭzmocnienyja padraździaleńnia. Zavieźli vialikuju kolkaść zbroi, bojeprypasaŭ i śpiecsrodkaŭ», — napisaŭ Daniluk na svajoj staroncy ŭ Facebook.
Razam z tym pres-centr ATA infarmuje, što za minułyja sutki bajeviki «trojčy šturmavali pazicyi ŭkrainskich vajskoŭcaŭ u Danieckam aeraporcie».
Adnačasova rasiejskaje ahienctva «RIA Naviny» sa spasyłkaj na pradstaŭnikoŭ «DNR» paviedamlaje, što ŭkrainskija vajennyja ŭtrymlivajuć dva anhary aeraporta, a bajeviki — uźlotna-pasadačnuju pałasu i asnoŭnyja terminały.
Pavodle ž prapahandysckaha LifeNews na 16:00 (pa Minsku) «zaviaršajecca začystka niekatorych zbudavańniaŭ na terytoryi aeraporta, dzie, mahčyma, jašče zastalisia ŭkrainskija sałdaty. Adnak ab poŭnym kantroli nad aeraportam apałčency hatovyja havaryć tolki paśla taho, jak jany zdolejuć adkinuć praciŭnika jak minimum na 15 kiłamietraŭ ad jaho».
