Siońnia, 4 kastryčnika, prykładna ŭ 16:15 (pa mask. časie) adbyłosia źvierskaje zabojstva traich mužčyn prosta ŭ centry Smalenska, na płoščy Pieramohi, paviedamlaje smalenski sajt Readovka.ru.
Troje nieviadomych praktyčna va ŭpor rasstralali dvaich valutčykaŭ i viełasipiedysta, paśla čaho vykrali asabistyja rečy zahinułych i schavalisia ŭ bližejšych dvarach.
U centry Smalenska troje nieviadomych rasstralali dvaich valutčykaŭ i viełasipiedysta. Fota readovka.ru
Fota Alaksiej Kostyleŭ, Dźmitryj Ivanoŭ, readovka.ru
Fota Alaksiej Kostyleŭ, Dźmitryj Ivanoŭ, readovka.ru
Na miesca zdareńnia adrazu ž vyjechała palicyja i chutkaja dapamoha, adzin z rasstralanych pamior ŭžo ŭ adździaleńni reanimacyi. Smalenskija miedyki praciahvajuć zmahacca za žyćcio treciaha paciarpiełaha.
Viadoma, što tych, chto napadaŭ było troje, na ich byli miedycynskija maski, paviedamlaje pres-słužba UMVD pa Smalenskaj vobłaści. Telefon dla suviazi 77-34-55. Za lubuju infarmacyju, jakaja moža dapamahčy śledstvu, abvieščana ŭznaharodžańnie.
Zaraz palicyja pravodzić padvarovy abychod terytoryi, apytvajucca žychary damoŭ.
Zabojstva ŭ centry Smalenska uskałychnuła ŭvieś horad.
