Nobieleŭskaj premijaj pa chimii 2014 buduć uznaharodžany amierykanski navukoviec Eryk Bietcyh, niemiec narodžany ŭ Rumynii Štefan Chel (dyrektar Instytuta Maksa Płanka) i amierykaniec Uiljam Miornieru (Stenfardski ŭniviersitet) za «raspracoŭku fłuarescentnaj mikraskapii», paviedamlaje sajt Nobieleŭskaha kamiteta.
«Ich inavacyjnaja praca vyvieła aptyčnuju mikraskapiju ŭ nanavymiareńnie», — havorycca ŭ paviedamleńni arhkamiteta.
Dadzienaje adkryćcio dazvalaje nazirać za virusami, białkami i malekułami, pamiery jakich składajuć mienš za 0,0000002 mietra.
U čaćvier budzie prysudžana Nobieleŭskaja premija pa litaratury, u piatnicy — premija miru.
Nahadajem, što ŭ paniadziełak łaŭreatami Nobieleŭskaj premii ŭ halinie fizijałohii i miedycyny 2014 nazvany Džon O'Kif, i narviežskija vučonyja žonka i muž Maj-Bryt i Edvard Mozer. Premija budzie ŭručana im za daśledavańni kletačnaj bijałohii hałaŭnoha mozhu — za vyvučeńnie niejrafizijałahičnych miechanizmaŭ aryjentacyi ŭ prastory (unutranaje GPS).
U aŭtorak nobieleŭskimi łaŭreatami ŭ halinie fiziki stali japonskija navukoŭcy Isamu Akasaka, Chirošy Amana (univiersitet Nahoi) i Sudzi Nakamura (Univiersitet Kalifornii, Santa-Barbara) za vynachodnictva efiektyŭnych błakitnych śviatłodyjodaŭ.