Pad rytorykaj ab hetak zvanaj «sajuznaj dziaržavie», «ahulnym biudžecie» i h.d. i pry poŭnym spryjańni antybiełaruskaha režymu A. Łukašenki, Maskva ŭsio bolš uciahvaje Biełaruś u zonu rasiejskich vajskovych intaresaŭ, zachoplivaje biełaruskuju majomaść. Usio heta robicca na fonie palityki asymilacyi, zvužeńnia vykarystańnia biełaruskaj movy, vyniščeńnia nacyjanalnaj kultury, zakryćcia biełaruskich instytutaŭ i represijaŭ suprać tych, chto ŭzdymaje hołas ŭ abaronu nacyjanalnych kaštoŭnaściaŭ.
Rada BNR nahadvaje, što, u adpaviednaści z Damovaj ab vyvadzie z terytoryi Biełarusi elementaŭ jadziernaj zbroi, Vialikabrytanija i Złučanyja Štaty Ameryki ŭziali na siabie abaviazki harantaŭ biełaruskaj Niezaležnaści. Biełaruski narod čakaje ad hetych krainaŭ vykanańnia hetych abaviazkaŭ. Ale sapraŭdnaj harantyjaj suverennaści jość uśviedamleńnie biełaruskaj nacyjaj svajho prava na volnaje žyćcio, i Rada BNR padtrymlivaje ŭsich, chto ŭ hetyja dni pad Bieł‑Čyrvona‑Biełymi Ściaham baronić Niezaležnaść Biełarusi.
