U Fejsbuku praciahvajucca haračyja dyskusii pa ŭkrainskim pytańni. Prajavy biełaruska-ŭkrainskaj salidarnaści na matčy Biełaruś—Ukraina ŭ Barysavie vyklikali ŭ rasijskaj i prarasijskaj aŭdytoryi šok. Aburanyja teksty napisali papularny rasijski piśmieńnik-nacyjanalist Zachar Prylepin i… biełaruska, žurnalistka Pieršaha rasijskaha telekanała, zasnavalnica kursaŭ «Mova ci kava» Kaciaryna Kibalčyč. Kaciaryna rezka raskrytykavała tekst šef-redaktara sajta by.tribuna.com Maksima Bierazinskaha ab futbolnym matčy Biełaruś – Ukraina.
Bierazinski, nahadajem, adznačyŭ zachapleńnie biełarusaŭ ducham svabody, jaki danosicca z Ukrainy i ad ukrainskich fanataŭ, u pryvatnaści.
Heta dla Prylepina i Kibalčyč i dziŭna, i niezrazumieła, i dzika. I jany paŭtaryli pretenzii da ŭkraincaŭ, jakija paŭhoda ahučvajuć rasijskija ŚMI.
«Za poślednije miesiacy možno było privyknuť k vośpievaniju majdana i lubych projavlenij ukrainskoj diemokratii. No takoho niežnoho vostorha ja davno nie vstriečała. Staťja ob ukrainskich fanach, kotoryje prijechali v Borisov s matiernymi častuškami.
«Ukraincy prijechali v Biełaruś i privieźli s soboj tot dvuch svobody, kotorym u nich propitano vsie. Kohda idieš po pieriekrytomu Krieŝatiku, a tam pod každym fonariem horłaniat pieśni pod hitaru ili dažie s minimalnymi kołonkami, piervaja mysl: a hdie eto podievałsia OMON?»
Ukrainskij OMON diejstvitielno v poślednieje vriemia «podievałsia».
Hdie eto on, kohda riebiata v bałakłavach okružajut ofis tielekompanii v Kijevie, śnimajut trusy s kandidata v priezidienty i biehajut s nimi, kak s fłahom, po majdanu, kohda oni iźbivajut inakomyślaŝich, sžihajut zaživo ludiej v zdanii, hromiat posolstvo?
No staťja nie ob etom.
«Možno orať i połučať ot etoho kajf. Možno niemnoho rassłabiťsia i nie ždať, kohda riezinovaja dubinka udarit tiebia po hołovie. Było vidno i słyšno, čto biełorusy očień dołho tierpieli, očień dołho mołčali».
Eto vot očień važnaja staťja, hdie naivnyj čiełoviek iskrieńnie nazyvajet vieŝi svoimi imienami. Kajf — eto klučievoje słovo majdana. Tolko im možno objaśniť massovoje pomiešatielstvo obrazovannych ludiej, kotoryje oślepli na odin hłaz, viernieje vykołoli jeho siebie dobrovolno. Tolko pod kajfom možno vostorhaťsia «voinami śvieta», kotoryje na tankach niesut jevropiejskije ciennosti «tiemnym nieobrazovannym» massam v Donbaśsie», — napisała Kibalčyč.
Adnak mnohija jaje siabry-biełarusy nie pahadzilisia. Jany bačać va Ukrainie nie prajavy nacyzmu, a paŭstańnie suprać karumpavanaj ułady, padtrymanaj i apiakanaj Rasijaj, skarystaŭšysia ź jakoha Maskva pasprabavała zachapić pałovu krainy. Raspaliła vajnu ŭ vyniku.
«Sumna, kaniečnie, bačyć, što razumnyja, zdajecca, ludzi pišuć takuju epachalnuju chierniu. Siońnia voś — Kaciaryna Kibalčyč. Piša pra kryvavych adeptaŭ majdanu i pra durnych biełarusaŭ, katoryja, značyć, padtrymlivajuć hety a-ja-jaj… Vaščeta, jak heta kruta — zmahacca suprać biełaruskaha režymu z raiśsi, a z rasijskim nie zmahacca naohuł, pierakanaŭšy siabie ŭ tym, što jon — nie taki ŭžo i režym», — adkazaŭ joj paet i pradprymalnik Staś Karpaŭ.
U suviazi z zajavami Kibalčyč paŭstała pytańnie praciahu kursaŭ «Mova ci kava». Ich viadučaja, paetka Valaryna Kustava vykazała svajo mierkavańnie: «Ja zaŭždy vystupała za pluralizm mierkavańniaŭ, navat kali atrymlivała za heta pa hałavie, abrazy i nierazumieńnie. ALE: pa etyčnych pryčynach, u źviazku z apošnimi dopisami Kaci pra vajnu va Ukrainie, mierkavańni vykazanyja ŭ jakich ja asabista nie padzialaju (ale nie ŭ hetym pryčyna), ja staju pierad dylemaj i dumkaj, kab pakinuć kursy «Mova ci kava» i bolš tam nie vykładać. A pryčyna voś u čym: mnie bačycca, što ŭ svaich dopisach Kacia tłumačyć vajnu, pryčym - zbolšaha z pazicyi Rasii, što spryjaje nie spynieńniu vajny, a jaje praciahu».
«Pryvatna dla mianie adradžeńnie biełaruskaj movy nieparyŭna źviazanaje z takimi kaštoŭnaściami, jak niezaležnaść i svaboda. I niezaležna ad taho, jakoje budzie rašeńnie kamandy, praca pa pašyreńni Biełaruščyny praciahvajecca, i ŭžo jość niekalki kłasnych idejaŭ», — heta post Franaka Viačorki.
Žurnalist radyjo «Svaboda» Vital Cyhankoŭ uzhadaŭ, što heta daloka nie samyja adyjoznyja zajavy spadaryni Kibalčyč.
«Uhadajcie, čyja cytata? Žyrynoŭski, Duhin, Kisialoŭ?
«Čieriez tri niedieli Ukraina budiet vybirať mieždu ultranacizmom i prosto nacizmom. Bolšinstvo iz ostorožnosti vybierut «prosto», čto nazyvajetsia «s čiełoviečieskim licom».
Ładna, uličvajučy dyskusii apošnich dzion, mahčyma, niechta adhadaje ź pieršaha razu. Tak, jana. Kacia. Apošni repartaž na ORT. I ciapier achvotnyja mohuć sprabavać dakazvać, što heta «aŭtarskaja pazycyja», «svoj pohlad» i hetak dalej», — napisaŭ Cyhankoŭ.
Urešcie i sama Kibalčyč vialikim pastom «Moja strana sošła s uma», źviernutym da redaktaraŭ «Našaj Nivy», adreahavała na šumichu vakoł jaje asoby. «Pazicyja maja nie stolki palityčnaja, kolki etyčnaja: nielha skakać na stadyjonie i pisać, što adbyvajecca śviata, kali idzie hramadzianskaja vajna i stolki achviaraŭ z abodvuch bakoŭ. Heta katastrofa, trahiedyja. I ŭ čałavieka z dušoj i rozumam nie moža być adčuvańnia «kajfu i ejfaryi». Sumlennamu čałavieku niemahčyma padtrymać na 100% adzin z bakoŭ u takoj składanaj situacyi».
U kamientarach da pasta źjaviŭsia ŭładalnik sajta tut.by Juryj Zisier. «Darahaja Kacia! Dziakuj za Vašu pazicyju. Mnohija ludzi nastolki aślepleny nianaviściu, što ihnarujuć vidavočnyja fakty, jakija nie ŭkładajucca ŭ prostuju staražytnuju adnakletačnych schiemu «my—iany». Nienaviśnikam ludziam nie patrabujucca dokazy i arhumienty, a luboje mierkavańnie, nie supadaje ź ich ułasnym i mierkavańniem ich siabroŭ, padlahaje praklonu».
Vymušany byŭ adkazać šef-redaktar «Našaj Nivy» Andrej Dyńko. «Kacia, usio prosta. Rasija raźviazała vajnu. Adarvała ad susiedniaj krainy ziemli z nasielnictvam 6 miljonaŭ čałaviek. Pry hetym zahinuła 4000, a moža być i 6000 čałaviek. Maładych, pryhožych, sa svaimi marami. Lažać, hnijuć. Tamu što Rasii mała adnoj šostaj sušy. Treba jašče, jašče. Voś tamu charkaŭskija fanaty prydumali hetaje «Pucin - ch*jło». Heta ich braty lažać zabityja, spalenyja rasijskimi «Hradami». Heta ich ziamlu zabrali, tamu što na joj byli plažy, vuhal i haz, a hetaha ŭ Rasii jašče mała, mała», — napisaŭ jon. Voś poŭny tekst:
Jak kažuć palaki, punkt vidzenia zaležyć ad punktu siedzenia. Ź Minska padziei bačacca inačaj, čym z Maskvy.
* * *
Palemika ŭ FB idzie nastolki haračaja, što top-artykuł joj pryśviaciŭ navat taki hłamurny sajt, jak kyky.org.
