Šmatlikija relikvii epochi vikinhaŭ znojdzienyja na paŭdniovym zachadzie Šatłandyi. Ich ahulny košt moža dasiahać sotniaŭ tysiač funtaŭ.
Jašče ŭ vieraśni archieołah-amatar Derek Maklenan, uzbroiŭšysia mietałašukalnikam, adpraviŭsia na pošuki staradaŭnich pradmietaŭ u hrafstvie Damfrys. Jaho pošuki ŭviančalisia pośpiecham: jon znajšoŭ bolš za 100 staražytnych kaštoŭnaściaŭ, u tym liku branzalety, broški i srebny kryž.
Adnak viadoma pra heta stała tolki ŭ minułuju niadzielu, kali byli abvieščanyja pieršyja vyniki ekśpiertyzy i prykładny košt znachodki. Na dumku ekśpiertaŭ, heta samy vialiki i kaštoŭny skarb vikinhaŭ, znojdzieny na terytoryi Šatłandyi. Havoračy pra dakładny košt, brytanskija ŚMI aściarožna acanili staražytnyja artefakty ŭ «sumu z šaściu nulami».
Asablivuju ŭvahu navukoŭcaŭ pryciahnuli dva pradmiety, ich datujuć IX-X stahodździami. Pieršy ź ich — srebny kryž ź niezvyčajnym dla taho času afarmleńniem. Druhi — bujnaja srebnaja pasudzina časoŭ dynastyi Karalinhaŭ. Navukoŭcy pakul nie prystupili da vyvučeńnia jaje źmieściva, viečka na joj zastajecca zakrytaj.
Dakładnaje miesca, dzie byŭ znojdzieny skarb, budzie trymacca ŭ sakrecie da taho času, pakul ekśpierty z Nacyjanalnaha muzieja Šatłandyi nie abśledujuć jaho całkam.
Hety skarb — daloka nie pieršaja znachodka Maklenana.
U minułym hodzie jon znajšoŭ samuju redkuju kalekcyju maniet pieryjadu rymskaj zavajovy (43-64 hady n. e.) u piačory Rejnard u Pik-Dystrykcie, najpryhožym kutku Paŭnočnaj Anhlii (hrafstva Derbišyr).
