Minenierha Rasii śćviardžaje, što Ukraina pahadziłasia na canu ŭ 385 dalaraŭ, Reuters.com
Kančatkovaha rašeńnia pa pytańni ab pastaŭkach rasijskaha hazu va Ukrainu na pieramovach u Miłanie dasiahnuta nie było, zajaŭlajuć ukrainskija ŭłady.
U toj ža čas rasijski prezident Uładzimir Pucin zajaviŭ, što ŭ hetych adnosinach byŭ dasiahnuty peŭny prahres.
«Tak, sapraŭdy, my šmat uvahi nadali hetym pytańniam, tut taksama jość prahres. U čym jon zaklučajecca? Jon zaklučajecca ŭ tym, što my damovilisia z ukrainskimi partniorami pa ŭmovach adnaŭleńnia pastavak hazu va Ukrainu chacia b u zimovy pieryjad, ŭzhadnili ŭsie paramietry hetaj damoŭlenaści, pytańnie ŭ kasavym razryvie [kampanii] «Naftahaz Ukrainy», - skazaŭ Pucin žurnalistam.
Pry hetym rasijski prezident prapanavaŭ ES dapamahčy Ukrainie raspłacicca pa daŭhach za haz, zajaviŭšy taksama, što Rasija pastaŭlać Ukrainie haz u doŭh užo nie budzie.
Hrafik pahašeńnia doŭhu
Pa słovach kiraŭnika ministerstva enierhietyki Rasii Alaksandra Novaka, Kijeŭ pahadziŭsia na canu ŭ 385 dalaraŭ za tysiaču kubamietraŭ na zimovy pieryjad. Taksama byŭ uzhodnieny hrafik pahašeńnia doŭhu pierad Rasijaj.
Raniej u piatnicu prezident Ukrainy Piatro Parašenka zajaviŭ, što ŭzhodnieny bazavyja paramietry hazavych damoŭlenaściaŭ.
Usiaho za dzień adbyłosia try sustrečy rasijskaha i ŭkrainskaha lidaraŭ. Akramia hazavych pytańniaŭ abmiarkoŭvałasia situacyja ŭ Danbasie. Abodva baki vykazali ŭpeŭnienaść u nieabchodnaści vykanańnia ŭsich punktaŭ Minskaha miemaranduma ab urehulavańni kryzisu na paŭdniovym uschodzie krainy.
Na papiarednich trochbakovych ministerskich pieramovach 26 vieraśnia Rasija, Ukraina i ES abmierkavali «zimovy płan» pa pastaŭkach rasijskaha hazu. Jon praduhledžvaŭ, što Kijeŭ u hetym hodzie pahasić 3,1 młrd dalaraŭ doŭhu za rasijski haz, a «Hazprom» pastavić Ukrainie za 5 młrd kubamietraŭ hazu pry ŭmovie pieradapłaty pa canie 385 dalaraŭ za tysiaču kubamietraŭ.
