TUT.BY pačaŭ novy prajekt — «Minskija kuchni», u jakim budzie raskazvać, u jakich umovach žyvuć i hatujuć viadomyja ludzi stalicy. Budzie abmiarkoŭvacca z hierojami asartymient minskich kram, ceny ŭ restaranach i ŭsio, što tyčycca našaha horada - ad architektury da palityki. Pieršy hieroj - palityk i piśmieńnik Uładzimir Niaklajeŭ.
Niaklajeŭ raspavioŭ, navošta jon u maładości tušyŭ viečny ahoń, chadziŭ u łaźniu na Maskoŭskaj z patefonam i čamu ciapier ličyć darahoje Café de Paris — sklepam, a haścinicu la cyrka — naftabazaj.
Byli jamu zadadzienyja i čatyry «minskija pytańni».
— Jakoje architekturnaje zbudavańnie abo pomnik u Minsku vy b źnieśli ŭ pieršuju čarhu?
— Pieršaje — sarkafah Pałaca Respubliki, druhoje — dom Čyža, jaki, jak baba na čajniku, raskirečyŭšy la Trajeckaha, treciaje — haścinicu kala cyrka.
— Kamu b vy pastavili ŭ Minsku pomnik?
- Uładzimiru Karatkieviču. Dziakujučy jamu Minsk mieŭ ramantyku nie tolki ŭ 60-ja, ale i ŭ 70-ja i navat 80-ja. Tym bolš jon zaŭsiody byŭ pryhožym i uśmiešlivym, što varty pomnika.
— Kaho vy ličycie samym hienijalnym minčaninam?
- Vasila Bykava pakul jašče nichto nie pierasiahnuŭ. Jon adzin umieŭ danieści samaje składanaje samaj prostaj movaj.
- Kudy vy ŭ pieršuju čarhu viadziecie ŭ Minsku zamiežnych haściej?
— U našych muziejach jość što pahladzieć, u fiłarmonii jość što pasłuchać. Viadu tudy, nie vieści ž ich hladzieć na sarkafah na Kastryčnickaj płoščy…
