Siaredni košt kvadratnaha mietra na druhasnym rynku handlovaj nieruchomaści ŭ Minsku ŭ vieraśni źniziłasia na 13%, paviedamiła kiraŭnik prajektaŭ ofisnaj nieruchomaści «Tvaja stalica. Nieruchomaść dla biźniesu» Natalla Novikava.
Pavodle jaje słoŭ, padzieńnie koštaŭ na ofisnuju nieruchomaść vyklikana vialikim likam novabudoŭlaŭ. «Popyt na rynku zastajecca praktyčna niaźmiennym, tady jak prapanova raście. Usiaho ŭ hetym hodzie Minsk pryraście bolš čym na 200 tys. kvadratnych mietraŭ ofisnych płoščaŭ. Pakolki rynak nie hatovy apieratyŭna asvoić takoje rekordnyja abjomy, kankurencyja siarod zabudoŭščykaŭ i inviestaraŭ budzie tolki ŭzmacniacca», - ličyć Novikava.
Akramia taho, pa jaje słovach, vialikuju rolu adyhraŭ siezonny faktar. Dla minskich kampanij nastupiŭ siezon ździełak ź nieruchomaściu, jakija dazvalajuć skarystacca padatkovyja vyliki. «Kab mieć bolš šancaŭ na pośpiech siarod pakupnikoŭ, ŭłaśniki ofisnych abjektaŭ pačali achvotna źnižać košty. Heta značyć ceny prapanovy maksimalna nablizilisia da koštu ździełak, kab pryciahnuć dadzienuju katehoryju pakupnikoŭ», - patłumačyła ekśpiert.
Na jaje dumku, «na rynku ofisnaj nieruchomaści nadychodzić era pakupnika». «Pieršapačatkova zavyšanaja cana pamianšaje kolkaść zvarotaŭ patencyjnych pakupnikoŭ jak minimum udvaja, tady jak pry piśmiennaj cenavaj palitycy pakupnikoŭ možna znajści davoli chutka», - adznačyła Novikava.
Pry hetym usio bolš zabudoŭščykaŭ budujuć ofisnyja abjekty nie na prodaž, a z metaj nastupnaj zdačy ŭ arendu. Tak, kali ŭ 2013 hodzie na rynak dolevaha budaŭnictva vyjšła 13 abjektaŭ, to za dzieviać miesiacaŭ biahučaha hoda tolki šeść. Mnohija biźnies-centry budujucca za košt srodkaŭ adzinaha inviestara, što pavyšaje pryvabnaść takich abjektaŭ.
Pa słovach Novikavaj, samyja nizkija ceny na ofisy charakternyja dla Zavodskaha rajona. Samyja darahija pamiaškańnia, jak praviła, raźmieščany ŭ rajonie praśpiekta Niezaležnaści.
