Mikałaj Statkievič adhuknuŭsia na prapanovu Uładzimiera Niaklajeva vyłučyć palitviaźnia adzinym kandydatam ad apazycyi na vybarach prezydenta ŭ 2015 hodzie. Pra heta paviedamiła žonka Statkieviča Maryna Adamovič.
«Jon čytaŭ u «Narodnaj voli» pra prapanovu Niaklajeva ab vyłučeńni Mikoły adzinym kandydatam na prezydenta. Pa-pieršaje, padziakavaŭ Niaklajevu za padtrymku, a pa-druhoje, daŭ zhodu na vyłučeńnie, kali takoje pahadnieńnie budzie dasiahnutaje».
Mikałaju Statkieviču viadomaja sytuacyja sa źmiaščeńniem u karcer palitviaźnia Ihara Alinieviča. «Mikoła vykazvaŭ padtrymku Iharu. Jon taksama nie vyklučaje, što Ihara rychtujuć da krytaj turmy», — kaža Maryna Adamovič.
Taksama Maryna Adamovič paviedamiła, što padčas sustrečy z advakatam 17 kastryčnika Mikałaj Statkievič byŭ apranuty pa-zimovamu.
«Aciapleńnie ŭ turmie jašče nie ŭklučyli, ale ciaplejšaja adzieža na im była. Praŭda, ja nia viedaju, što heta: praviła ci vyklučeńnie», — kaža žonka Statkieviča.
Były kandydat na prezydenta Mikałaj Statkievič asudžany na 6 hadoŭ źniavoleńnia nibyta za arhanizacyju masavych nieparadkaŭ padčas mitynhu pratestu 19 śniežnia 2010 hodu. Palityk miarkuje, što ź im pakvitalisia za žorstkuju krytyku Łukašenki padčas kampanii pa vybarach prezydenta. Užo amal 3 hady palitviaźnia trymajuć u krytaj mahiloŭskaj turmie.
