Prezident Turcyi Redžep Taip Erdahan naviedaje Biełaruś z aficyjnym vizitam, paviedamiŭ u prahramie «Hałoŭny efir» telekanała «Biełaruś 1» viečaram 19 kastryčnika staršynia savieta respubliki nacyjanalnaha schodu Anatol Rubinaŭ.
14—16 kastryčnika Rubinaŭ naviedvaŭ Turcyju na čale biełaruskaj parłamienckaj delehacyi. Padčas hetaha vizitu adbyłasia jaho sustreča z prezidentam Turcyi.
Pavodle słoŭ śpikiera vierchniaj pałaty biełaruskaha parłamienta, Erdahan razhladaje Biełaruś u jakaści asnoŭnaha partniora na paŭnočnym napramku.
Pasoł Biełarusi ŭ Turcyi Andrej Savinych paviedamiŭ, što zaraz abmiarkoŭvajucca pierśpiektyvy stvareńnia ŭ hetaj krainie sumiesnych pradpryjemstvaŭ pa vytvorčaści hruzavych aŭtamabilaŭ, aŭtobusaŭ, budaŭničaj techniki. Takoje supracoŭnictva, pavodle jaho słoŭ, dazvolić Biełarusi ŭ dalejšym vyjści na rynki Blizkaha Uschodu i Afryki
