U RNBA Ukrainy zajaŭlajuć, što majuć dokazy taho, što pa siłach ATA byli vykarystanyja sistemy «Śmierč», jakija bajevikam dała Rasija.
Pra heta paviedamiŭ śpikier RNBA Andrej Łysienka, adkazvajučy na pytańnie ab užyvańni bajevikami kasietnych snaradaŭ, zabaronienych mižnarodnym pravam.
«Sapraŭdy, u nas jość dokaz taho, što pa pazicyjach sił ATA byli ŭžytyja reaktyŭnyja zarady ź sistemy załpavaha ahniu «Śmierč», — paviedamiŭ jon.
fota RNBA
«Dadzienyja zarady byli zroblenyja zhodna z markiroŭkaj na ich — u 2003 hodzie 16 červienia. Ukraina atrymlivała padobnyja zarady raz u 1991 hodzie, heta značyć da nabyćcia svajoj niezaležnaści», — padkreśliŭ jon.
«Hety fakt śviedčyć ab tym, što snarady, jakija byli vykarystanyja terarystami, pachodziać z terytoryi Rasii. Taksama heta kaža pra toje, što jany byli vykarystanyja štatna padrychtavanymi padraździaleńniami rasijskaj armii, pakolki zrabić zapusk hetymi zaradami mohuć tolki hadami padrychtavanyja ludzi. U terarystaŭ nie było takoj mahčymaści», — skazaŭ jon.
