Pa padazreńni va ŭčynieńni razboju ŭ dźviuch kaviarniach u Rečyckim rajonie i Homieli zatrymany 37-hadovy žychar abłasnoha centra.
Jak paviedamiŭ aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava, 21 kastryčnika pryblizna ŭ 19.00 naviedvalnik prydarožnaj kaviarni ŭ Rečyckim rajonie, pahražajučy žančynie-barmienu pnieŭmatyčnym pistaletam, zavałodaŭ hrašovaj vyručkaj i pačkam cyharet. Košt vykradzienaha skłaŭ pryblizna 1,2 młn rubloŭ.
Paśla hetaha padazrony niekatory čas chavaŭsia ŭ lasnym masivie. Zatym na spadarožnym aŭtamabili dajechaŭ da Homiela, patelefanavaŭ znajomamu i prapanavaŭ jamu vypić u kaviarni.
Prykładna a pieršaj hadzinie nočy, kali pryjaciel złamyśnika i inšyja naviedvalniki pakinuli piciejnuju ŭstanovu, padazrony pasprabavaŭ paŭtaryć scenaryj papiaredniaha razboju. Adnak rabotnica kaviarni akazała niećviarozamu naviedvalniku aktyŭnaje supraciŭleńnie i nacisnuła knopku tryvožnaj sihnalizacyi, što dazvoliła supracoŭnikam milicyi ŭ karotkija terminy jaho zatrymać. Pry asabistym ahladzie ŭ jaho byŭ znojdzieny i kanfiskavany pnieŭmatyčny pistalet.
Raspačataja kryminalnaja sprava.