Novym dyrektaram Nacyjanalnaha akademičnaha dramatyčnaha teatra imia Jakuba Kołasa ŭ Viciebsku pryznačany Alaksandr Starych. Raniej jon pracavaŭ na AAT «Biełšyna», dzie byŭ namieśnikam dyrektara pa sacyjalnych pytańniach.
Na zakrytaj sustrečy 22 kastryčnika ministr kultury Biełarusi Barys Śviatłoŭ pradstaviŭ novaha kiraŭnika kalektyvu teatra.
«U apošni čas va ŭstanovach kultury adbyvajecca padzieł dyrektarskaha i mastackaha karpusoŭ. Kołasaŭski teatr byŭ adnym z apošnich astraŭkoŭ, dzie mieniedžmient z mastackim kiraŭnictvam sumiaščaŭ adzin čałaviek — Valeryj Anisienka. Nadyšoŭ momant pieramienaŭ, ustanova vychodzić na inšyja zadačy, dla čaho nieabchodny śviadomy arhanizatar teatralnaha pracesu», — cytuje BiełTA ministra.
Viadomy akcior-kołasaviec Piatro Łaman kamientavać novaje pryznačeńnie admoviŭsia.
Admoviŭsia razmaŭlać praz telefon i novapryznačany dyrektar. Jon prapanavaŭ pryjechać da jaho na intervju ŭ Viciebsk. My pryniali takuju prapanovu.
