ria.ru
Pryčyn nie pryznavać vybary ŭ tak zvanych Danieckaj i Łuhanskaj narodnych respublikach ŭ Rasii niama, pra heta zajaviŭ pres-sakratar rasijskaha prezidenta Dźmitryj Piaskoŭ.
«Praviadzieńnie vybaraŭ — heta rašeńnie, jakoje pryniata kiraŭnictvam hetych respublik. Hetyja vybary adbuducca», — zajaviŭ Piaskoŭ.
Pierad hetym pra toje, što rasijskaja ŭłada pryznaje vybary ŭ samaabvieščanych «DNR» i «ŁNR», zajaviŭ ministr zamiežnych spraŭ Rasii Siarhiej Łaŭroŭ.
U Kijevie zajavili, što tyja vybary nie buduć lehitymnymi, i nastojvajuć na praviadzieńni ŭ asobnych rajonach Danbasa pazačarhovych miascovych vybaraŭ pavodle ŭkrainskich zakonaŭ.
U ZŠA i Jeŭrasajuzie taksama zajavili, što nie pryznajuć vybaraŭ prarasiejskich sieparatystaŭ.
2 listapada ŭ samaabvieščanych «DNR» i «ŁNR» płanujuć pravieści tak zvanyja «parłamienckija» i «prezidenckija» vybary.
