U Biełarusi kala 25 tys. šaścihodak pradaŭžajuć naviedvać dziciačy sad, zamiest taho, kab adpravicca ŭ pieršy kłas.
Ab hetym paviedamiŭ siońnia vice-premjer Anatol Tozik na pasiadžeńni Prezidyuma Savieta Ministraŭ, na jakim razhladałasia pytańnie ab vynikach raboty i prapanovach rabočaj hrupy, stvoranaj dla praviadzieńnia kompleksnaha analizu sistemy adukacyi Biełarusi.
Namieśnik premjer-ministra ahučyŭ asnoŭnyja pytańni, jakija razhladalisia na pasiadžeńniach hrupy. U sistemie daškolnaj adukacyi, u pryvatnaści, byli detalova praanalizavany pytańni efiektyŭnaści vykarystańnia biudžetnych srodkaŭ, vyvučany pryčyny i ŭmovy, što pryviali da niachvatki miesc u dziciačych sadach.
«Členy hrupy pryjšli da vysnovy, što ŭ vyniku niedaskanałaści zakanadaŭstva značnaja častka biudžetnych resursaŭ, što nakiroŭvajucca ŭ sistemu daškolnaha vychavańnia, vykarystoŭvajecca nieracyjanalna. Pa žadańni baćkoŭ paśla 6 hadoŭ dzicia moža praciahvać chadzić u dziciačy sad, niezaležna ad miedycynskich pakazańniaŭ. U vyniku kala 25 tys. dziaciej zamiest taho, kab adpravicca ŭ pieršy kłas, praciahvajuć naviedvać dziciačy sad», — kanstatavaŭ Anatol Tozik. Biudžetu heta abychodzicca amal u Br0,5 trłn.
«Usio bolš maci addajuć u dziciačyja sady dziaciej va ŭzroście da 3 hadoŭ, sami ž pry hetym zastajucca doma, — praciahnuŭ vice-premjer. — Heta jašče adzin kanał, praź jaki biudžetnyja srodki iduć nieapraŭdana: dziaržava apłačvaje maci i dapamohu pa dohladu dziciaci, i jaho ŭtrymańnie ŭ dziciačym sadzie».
U biahučym hodzie na ŭtrymańnie adnaho dziciaci ŭ sadzie na praciahu hoda ŭ biudžecie praduhledžana Br17 młn.
