Mer Kijeva Vital Kličko na bryfinhu z žurnalistami zajaviŭ ab finansavych «dzirkach» u horadzie. Adnoj z asnoŭnych prablem jon nazvaŭ toje, što zakančvajucca srodki na charčavańnie dziaciej u daškolnych navučalnych ustanovach i škołach ukrainskaj stalicy.
«Na charčavańnie dziaciej u dziciačych sadkach i škołach hrošaj zastałosia na dva tydni», — skazaŭ Kličko.
Kiraŭnik biudžetnaj kamisii Kijeŭsavieta Andrej Strańnikaŭ adznačyŭ, što dla poŭnaha zabieśpiačeńnia dziaciej charčavańniem na praciahu nastupnych dvuch miesiacaŭ da kanca hetaha hoda Kijevu treba jašče 100 młn. hrn. (bolš za 7 młn dalaraŭ ZŠA).
Kličko taksama padkreśliŭ, što heta nie adzinaja prablema horada. Pavodle jaho słoŭ, supracoŭnikam niekatorych pradpryjemstvaŭ nie vypłačvajecca zarpłata, u pryvatnaści, rabotniki KP «Kijeŭmietrabud» nie atrymlivali hrošy na praciahu dvuch miesiacaŭ.
