4 listapada Rasija adznačała hadavinu vyzvaleńnia Maskvy ad biełaruska-polska-ŭkrainskich vojskaŭ u XVII stahodździ.
U stalicy RF prajšli šmatlikija masavyja akcyi roznych palityčnych siłaŭ.
Aktyvisty tak zvanaha «Nacyjanał-revalucyjnaha błoka» i niekatoryja inšyja nacyjanalistyčnyja arhanizacyi naładzili niaŭzhodnienaje z uładami šeście pa Maskvie. Jano adbyłosia ŭ rajonie Pakroŭskaha bulvara.
U rukach junaki nieśli banier z łozunham ukrainskich nacyjanalistaŭ, na ŭkrainskaj movie «Svaboda narodam! Svaboda čałavieku!», skandujučy pry hetym antyvajennyja łozunhi. Na mierapryjemstvie byŭ spaleny ściah tak zvanaj «Navarosii», jak u Rasii nazyvajuć rehijony Ukrainy, jakija chočuć dałučyć.
Pra heta havorycca na staroncy abjadnańnia «Ukantakcie».
