Biełarusi buduć padtrymlivać pryvatnikaŭ, jakija stvarajuć vytvorčaści. Ab hetym zajaviŭ Alaksandr Łukašenka siońnia ŭ čas razmovy z pracaŭnikami TAA «Protas».
«Tym, chto stvaraje pradpryjemstvy, vytvorčaści za ŭłasnyja abo za kredytnyja srodki, budzie tolki padtrymka», — zapeŭniŭ Łukašenka.
Jon zaŭvažyŭ, što nikoli nie vystupaŭ suprać pryvatnaj ułasnaści. «Kali paŭsiul budzie pryvatnik, to jon sam pavinien stvarać vytvorčaści. Dapuścim, pa prykładzie taho, jak heta zroblena ŭ «Protasie», dzie vypuskajuć mietałakanstrukcyi, u tym liku mastavyja», — skazaŭ kiraŭnik dziaržavy.
Pry hetym jon adznačyŭ, što ŭ jaho asablivaje staŭleńnie da pryvatyzacyi: «My pryvatyzujem pradpryjemstvy, ale nie ŭsio biez razboru, jak u niekatorych krainach. Kali bačym, što pradpryjemstva drenna abo słaba pracuje, my prapanujem: niachaj pryvatnik kuplaje, ale nie za biascenak, i pracuje». U jakaści prykładu Alaksandr Łukašenka pryvioŭ sielskuju haspadarku, dzie amal treć kałhasaŭ i saŭhasaŭ pryvatyzavany. «I hety praces budzie praciahvacca», — dadaŭ jon.
«U krainie pavinna być sumlennaść i spraviadlivaść. Prychodźcie, adkryvajcie lubyja pradpryjemstvy, pačynajučy ad ahrasiadzib, jakija, darečy, vielmi dobra pracujuć. Niachaj bolš budzie pradpryjemstvaŭ, jakija zajmajucca vytvorčaściu pradukcyi, a nie śpiekulacyjaj», — padkreśliŭ Łukašenka.
