Staršynia Minharvykankama Mikałaj Ładućka vyzvaleny ad zajmanaj pasady. Staršynioj Minharvykankama pryznačany Andrej Šorac, paviedamlaje BiełTA.
Mikałaj Ładućka byŭ pryznačany meram Minska 25 červienia 2010 hoda.
Jon naradziŭsia ŭ 1959 h. u Minsku. U 1981-m skončyŭ Biełaruski politechničny instytut, u 2007-m — Akademiju kiravańnia pry prezidencie.
U 1981—1982 hh. pracavaŭ majstram budaŭničaha ŭpraŭleńnia №256 MAPID «Minskžyłbud». Z 1982 pa 1990 h. — na kamsamolskaj i partyjnaj pracy. U 1990-2003 hh. pracavaŭ na roznych pasadach u MAPID. U 2003—2006 hh. byŭ dyrektaram Upraŭleńnia kapitalnaha budaŭnictva Minharvykankama. U 2006-2007-m — kiraŭnikom administracyi Frunzienskaha rajona Minska.
U 2007—2009 hh. — namieśnik staršyni Minharvykankama. U 2009—2010-m — v.a.staršyni Minharvykankama, pieršy namieśnik staršyni Minharvykankama.
Novym kiraŭnikom Minharvykankama pryznačany Andrej Šorac — były ministr ŽKH.
Andrej Šorac naradziŭsia ŭ 1973 h. u Viciebsku. U 1995 h. skončyŭ Viciebski dziaržaŭny technałahičny ŭniviersitet, u 1999 - Akademiju kiravańnia pry prezidencie. U 1995—97 hh. pracavaŭ inžynieram-technołaham, namieśnikam načalnika cecha AAT «Viciebski pryborabudaŭničy zavod». U 1997—98 hh. - pieršy sakratar Kastryčnickaha rajonnaha kamiteta BPSM Viciebska.
U 1999—2002 hh. — viadučy inžynier, načalnik upraŭleńnia kaapieratyŭnaj pramysłovaści, načalnik upraŭleńnia jakaści Viciebskaha abłspažyŭsajuza. U 2002—2005 hh. — načalnik adździeła enierhietyki i transpartu ŭpraŭleńnia pramysłovaści, enierhietyki i transpartu, načalnik adździeła enierhietyki, transparta i suviazi Viciebskaha abłvykankama.
U 2005—2010 hh. — načalnik upraŭleńnia žyllova-kamunalnaj haspadarki Viciebskaha abłvykankama. U 2010—2011 hh. — namieśnik ministra žyllova-kamunalnaj haspadarki,
z 2011 h. byŭ ministram ŽKH.