Fota tio.by
Pryznačany na 28 kastryčnika konkurs pa prodažy chlebazavoda №1 pryznany niesapraŭdnym, paviedamlaje TUT.BY sa spasyłkaj na krynicu ŭ Minharvykankamie.
Na praciahu 2012—2014 hadoŭ minskimi ŭładami byli zroblenyja 5 sprobaŭ pradać abjekt, ale pakupnik tak i nie znajšoŭsia.
Budynki pradpryjemstva pa vuł. Rakaŭskaj źjaŭlajucca pomnikami architektury XIX stahodździa, h. zn. ich nielha źniesić.
Abaviazkovymi ŭmovami prodažu zastajucca zachavańnie profilu pradpryjemstva i kolkaści pracoŭnych miescaŭ (408 supracoŭnikaŭ) na praciahu dvuch hadoŭ; pahašeńnie novym ułaśnikam kredytorskaj zapazyčanaści i inš. Budynki možna pieraprafilavać ŭ abjekty hramadskaha pryznačeńnia, z raźmiaščeńniem u ich kulturna-zabaŭlalnych, spartyŭna-zabaŭlalnych i haściničnych i muziejnych abjektaŭ.
«Patencyjnyja inviestary ličać canu aktyvu zavyšanaj», — skazali ŭ meryi. Na pytańnie, ci maje namier dziaržava źnižać canu abjekta, u Minnharvykankamie adkazali nastupnym čynam: «Jość dziaržaŭnaja acenka — my ad jaje i zychodzim».
Zajaŭleny pačatkovy košt tarhoŭ — 108,2 młrd rubloŭ. Z momantu pieršych tarhoŭ, jakija prajšli ŭ 2012 hodzie, košt źnižany na 17 młrd rubloŭ.
Čarhovyja tarhi mohuć adbycca «tolki naleta», skazali ŭ Minnharvykankamie.