Što zdaryłasia s pravaj rukoj Ihara Strałkova (Hirkina) pa mianušcy Abvier? — zapytaŭsia słuchač u časie žyvoha efiru sa Strałkovym na rasijskim radyjo «Havoryć Maskva».
«Pa-pieršaje, nie pa mianušcy, a pa pazyŭnym. Mianuški ŭ sabak, — papraviŭ Strałkoŭ. — Jon u pačatku akazaŭ dosyć šmat dapamohi, šmat pracavaŭ, ale potym złamaŭsia. Pryčyna złomu, što, viadoma, ciažki psichałahičny cisk na jaho. Baćki va Ukrainie. Adpaviedna, paśla taho, jak ułasnaja maci praklinaje ŭ žyvym efiry, vielmi ciažka čałavieku vykonvać svaje abaviazki. Nu, prosta zapiŭ. Mnie pryjšłosia adchilić jaho».
Pad pazyŭnym «Abvier» chavajecca 42-hadovy Siarhiej Zdryluk, uradženiec Vińnickaj vobłaści Ukrainy. Jon słužyŭ u SBU ŭ Krymie i tam ustupiŭ u suviaź z rasijskimi śpiecsłužbami. U krasaviku 2014 jon uvachodziŭ u rasijskuju šturmavuju hrupu, jakaja zachapiła Łuhansk i Słaviansk.
SBU vyjaviła identyčnaść Abviera, paśla čaho pra jaho šmat havaryli ŭkrainskija ŚMI. A rodnaja maci praklała jaho za toje, što jon robić z baćkaŭščynaj.
Apošniaja infarmacyja pra jaho datujecca majem 2014 hoda.
Maci Zdryluka — zvyčajnaja sialanka.
