Viadučy vytvorca mabilnych telefonaŭ ručnoj zborki klasy «luks» kampanija «Vertu» abjaviła pra pačatak pracy na biełaruskim rynku. Pavodle słoŭ pradstaŭnika kampanii, šturškom da vychadu na rynak pasłužyŭ ekanamičny rost ŭ krainie.
Siońnia pradukcyja kampanii realizujecca tolki praz adzinaha biełaruskaha dylera. Ale ŭžo viasnoj 2008 hodu ŭ Miensku planujecca adkryćcio firmovaha bucika «Vertu» (na sajcie kampanii ŭžo paznačany adras: pł. Svabody, 23 — NN).
Cana na takija ekskluziŭnyja aparaty vahajecca ad 4600 da 270 000 eŭraŭ. Tamu nia dziva, što ŭ žurnalistaŭ paŭstała pytańnie pra kolkaść biełarusaŭ, jakija mohuć dazvolić sabie nabyć takuju raskošu.
Hieneralny dyrektar «Wital», ekskluziŭnaha dystrybutara «Vertu» ŭ Rasiei j krainach SND, Chardzi Šnajder zajaviŭ, što ŭ Biełarusi naličvajecca 100 tysiač zamožnych hramadzian. «Hetyja źviestki nam pieradaŭ «Dojče bank». Aproč taho, dla nas pravodziacca specyjalnyja daśledavańni ŭ roznych krainach», — skazaŭ sp.Šnajder.
Pradstaŭniki kampanii adznačyli, što «budzie vielmi dobra, kali za hod udasca realizavać u Biełarusi 1000 mabilnikaŭ «Vertu».
