Na teleekranie – kaladnaja drama… pra vajnu i kinakamedyja z Džymam Kery.
STV, 20.25
TV-Centar, 00.45
Ščaślivaha Rastva (Joyeux Noel)
Francyja – Niamieččyna – Vialikabrytanija – Belhija – Rumynija, 2005, kalarovy, 115 chv.
Režyser: Krystyjan Karyan
Roli vykonvajuć: Dyjana Kruhier, Biena Fiurman, Hijom Kane, Hary Ljuis, Dani Bun, Daniel Brul
Žanr: Kaladnaja vajskovaja drama
Pryzy: Premija FIPRESI na MKF u Valjadalidzie, pryz hladackich sympatyj u Lidsie, naminacyja na premii “Sezar” za najlepšy film, najlepšy scenar, najlepšuju muzyku, najlepšyja kaściumy, naminacyja na “Oskar”
1914 hod. Francyja. Akopy. Pieršaja suśvietnaja vajna ŭ samym razhary. Ale na Kalady šatłandzki śviatar, francuski lejtenant, niamiecki tenar i jahonaja kachanka uznačalvajuć pieramirje, kab adśviatkavać Naradžeńnie Chrystova. Na karotki čas vajna zabytaja – žaŭniery varahoŭnych armij vychodziać nasustrač, kab pažadać ščaślivych Kaladaŭ…
Kaladnaja drama, jakaja sapraŭdy mieła miesca na Pieršaj suśvietnaj. Vajna j nianaviść ścišajucca pierad tajnaj Rastva. Stužka pazbaŭlenaja saładžavaj kazačnaj cukiernaści. Ale, što jašče važniej – jana nia maje ničoha ahulnaha z sučasnym biełaruskim kino, dzie, čym dalej ad vajny, tym taŭściej partyzany – i luciej nianaviść da vorahaŭ.
