18 listapada ŭ Minsku adbyłasia pres-kanfierencyja hurtu «Krama» z nahody vychadu ich novaha alboma «Biełaja vada». Kancertnaja prezientacyja adbudziecca 28 listapada ŭ Pałacy kultury čyhunačnikaŭ.
«Muzyčnaja praca nad albomam raściahnułasia faktyčna na čatyry hady, — kaža lidar hurtu Ihar Varaškievič. — Mnie padajecca, što heta naš najlepšy albom pa jakaści hučańnia. Paśla jaho prezientacyi, užo ŭ novym hodzie, płanujem arhanizavać tur pa Biełarusi».
U hurtu ŭžo jość adzin klip na pieśniu z alboma «Dziaŭčynka sa šklanymi vačyma». Varaškievič adznačaje, što jany z zadavalnieńniem źniali b klip na kožny z trekaŭ, ale takoj mahčymaści niama. «Usio žyćcio zajzdrościŭ Michałku: u jaho jak tolki pieśnia — adrazu klip».
Aŭtar tekstaŭ Źmicier Łukašuk adznačaje, što, na jaho dumku, «albom atrymaŭsia vytrymany, vielmi surjozny pa źmieście i pa muzyčnym padychodzie».
