Śledčy kamitet paviedamiŭ padrabiaznaści vypadku ŭ Breście22 listapada. Jak paviedamlałasia, 20-hadovaja žančyna žorstka źbiła svajho piacimiesiačnaha syna, jakoha potym špitalizavali z čerapna-mazhavoj dy inšymi traŭmami.
Jak adznačaje pres-słužba Śledčaha kamiteta, pry ahladzie miedrabotnikami ŭ dziciaci byli vyjaŭleny čerapna-mazhavaja traŭma, udar, aciok i hiematoma hałaŭnoha mozhu z krovaźlićciom, pierałom plača, što adnosiacca da katehoryi ciažkich cialesnych paškodžańniaŭ.
Sa słoŭ padazravanaj, pierad hetym jana piła, pakul baćka byŭ na pracy. Syn staŭ płakać, i jana, kab jaho supakoić,
naniesła nie mienš za 5 udaraŭ dałońniu pa tvary, zatym kidała jaho na kanapu i łožak, paśla čaho lehła spać.
Dzicia, jakoje pry dychańni chrypieŭ, ranicaj znajšoŭ baćka.
Miedyki zmahajucca za žyćcio chłopčyka, ale šancy vyžyć nievialikija, paviedamlaje Tut.by.
Dla vyśviatleńnia ŭsich abstavinaŭ vypadku pravodziacca śledčyja i inšyja pracesualnyja dziejańni, pryznačana sudova-miedycynskaja ekśpiertyza.
USK pa Bresckaj vobłaści ŭ dačynieńni da maci dziciaci zaviedziena kryminalnaja sprava pa č. 1 art. 14, č. 2 art. 139 (zamach na zabojstva zaviedama małaletniaha asoby, jakaja znachodzicca ŭ biezdapamožnym stanie) Kryminalnaha kodeksa.