Byccam by Saša i Malija byli niejak nie tak apranutyja i nie tak pavodzili siabie padčas tradycyjnaj cyrymonii ŭ Dzień padziaki.
Kamientar na staroncy ŭ Facebook kiraŭnicy departamienta kamunikacyj kanhresmiena-respublikanca Styviena Finčera Elizabiet Łaut vyklikaŭ skandał.
Paśla rezkaj krytyki paviedamleńnie było vydalenaje, a sama Łaut vybačyłasia za svaje «kryŭdnyja słovy».
Łaut napisała, što ŭ 16-hadovaj Malii i 13-hadovaj Sašy, jakija ŭ čas cyrymonii stajali pobač z baćkam, byŭ nudny vyhlad.
Na jaje dumku, dziaŭčaty pavinny byli «pasprabavać pakazać trochi dobrych manier. Prynamsi z pavahaj pastavicca da toj roli, jakuju im davodzicca vykonvać».
Bolš za toje, pavodle Łaut, u tym adzieńni, jakuju vybrali dziaŭčynki, možna źjavicca tolki ŭ bary.
Jaje kamientary vyklikali abureńnie ŭ sacyjalnych sietkach. Žančynu abvinavacili ŭ tym, što jana sprabuje čaplacca da dziaŭčynak-padletkaŭ.