Biełaruski kalehijum u partniorstvie ź Instytutam «Palityčnaja śfiera» (Biełaruś), hramadskimi abjadnańniami «Libieralny kłub» i «Jeŭrapiejski kłub» (Biełaruś), Univiersitetam Vitaŭta Vialikaha (Litva) i Instytutam VKŁ (Litva) abviaščaje nabor na novuju adukacyjnuju prahramu «Jeŭrapiejski sajuz: palityka, ekanomika, kultura». Prahrama praduhledžvaje vykładańnie asnovaŭ sučasnaj jeŭrapiejskaj palityki, ekanomiki i kultury. Zaniatki pravodziać viadučyja biełaruskija śpiecyjalisty ŭ hetaj halinie. Aproč lekcyjaŭ i sieminaraŭ, prahrama ŭklučaje majstar-kłasy, praktyčnyja zaniatki i letniuju škołu.
Zaniatki buduć prachodzić z 14 studzienia pa 31 traŭnia 2015 hoda (štosieradu z 18.30 da 21.30)
Letniaja škoła prahramy projdzie ŭ červieni 2015 hoda.
Da ŭdziełu zaprašajucca ŭsie zacikaŭlenyja ŭ atrymańni novych viedaŭ pra Jeŭrapiejski Sajuz. Pryjarytet nadajecca studentam starejšych kursaŭ i asobam z vyšejšaj adukacyjaj va ŭzroście da 30 hadoŭ.
Prahrama «Jeŭrapiejski sajuz: palityka, ekanomika, kultura» aryjentavanaja na zasvajeńnie sučasnych viedaŭ i technik intelektualnaj pracy i nie dubluje isnujučyja prahramy dziaržaŭnych i niedziaržaŭnych navučalnych ustanovaŭ.
Siertyfikat Kalehijumu nie zamianiaje dypłom ab vyšejšaj adukacyi.
Navučańnie ŭ Kalehijumie – biaspłatnaje.
Nabor navučencaŭ ažyćciaŭlajecca na konkursnaj asnovie i bazujecca na vynikach sumoŭja. Kab atrymać zaprašeńnie na sumoŭje, nieabchodna:
1. zapoŭnić ankietu;
2. napisać matyvacyjny list.
U matyvacyjnym liście vy musicie apisać ŭłasny dośvied vyvučeńnia jeŭrapiejskaj prablematyki, matyvacyju pastupleńnia na prahramu, płany dalejšaj prafiesijnaj karjery, a taksama rolu navučańnia ŭ Biełaruskim kalehijumie ŭ vašym dalejšym žyćci. Pamier matyvacyjnaha lista – kala 0,5–1 staronki.
Pa ŭsich pytańniach źviartajciesia na kalehium@gmail.com
Asnoŭnyja navučalnyja kursy:
- Uvodziny ŭ sučasnuju jeŭrapiejskuju palityku (Andrej Kazakievič, doktar palityčnych navuk, Instytut «Palityčnaja śfiera»);
- Uvodziny ŭ jeŭrapiejskuju intehracyju (Aleś Łahviniec, Vieranika Mazurkievič, «Jeŭrapiejski kłub»);
- Uschodniaja palityka Jeŭrapiejskaha sajuza. Dačynieńni ES i Biełarusi (Jaŭhien Prejhierman, «Libieralny kłub»);
- Jeŭropa i jaje «inšyja»: kulturnaje pamiežža i sutyknieńnie cyvilizacyj (Ihar Babkoŭ, kandydat fiłasofskich navuk, Instytut fiłasofii NAN Biełarusi);
- NATO (APAD) i jeŭrapiejskaja palityka biaśpieki(Viačasłaŭ Paźniak, kandydat fiłasofskich navuk, EHU);
- Palityka pamiaci ŭ abjadnanaj Jeŭropie (Alaksiej Łastoŭski, kandydat sacyjałahičnych navuk, Instytut «Palityčnaja śfiera»);
- Historyja i teoryja demakratyi ŭ sučasnaj Jeŭropie (Uładzimir Roŭda, kandydat fiłasofskich navuk);
- Palityka ES ŭ dačynieńni da krainaŭ Blizkaha Ŭschoda i Kitaja (Alaksandr Filipaŭ, kandydat palityčnych navuk, Biełaruski ŭniviersitet kultury i mastactvaŭ);
- Uvodziny ŭ ekanomiku Jeŭrapiejskaha sajuza (Anton Bołtačka, «Libieralny kłub»);
- Publičnaja palityka Jeŭrapiejskaha sajuza (Vadzim Smok, Instytut «Palityčnaja śfiera»);
- Jeŭrapiejskaja miedyja-prastora (Alaksiej Kryvałap, kandydat kulturałohii, Instytut «Palityčnaja śfiera»);
- Jeŭrapiejskaja i jeŭraatłantyčnaja intehracyja (na prykładzie krain Bałtyi) (Andrej Vałodźkin, kandydat histaryčnych navuk, Instytut historyi NAN Biełarusi).