Sud Leninskaha rajonnaha suda Hrodna (sudździa Juryj Kazakievič) aštrafavaŭ žurnalista Andreja Mialešku na 40 bazavych vieličyniaŭ (6 młn. rub.) za parušeńnie art. 22.9 č.2 KaAP.
Słuchańni adbyvalisia ŭ kabiniecie sudździ i doŭžylisia paŭtary hadziny. Śviedak z boku milicyi ŭ sudzie nie było.
13 listapada Mialešku patelefanavali ź Leninskaha RAUS Hrodna i skazali, što ŭ dačynieńni da jaho raspačata novaja administracyjnaja sprava pa art. 22.9 č. 2 KaAP («niezakony vyrab i raspaŭsiud pradukcyi ŚMI»). Jaho chacieli vyklikać u pastarunak, kab uziać tłumačeńni z nahody intervju z prafiesaram hrodzienskaha ŭniviersiteta Valeram Čarapicam, ale žurnalist zapatrabavaŭ aficyjnaj pozvy.
U toj ža dzień u kvateru da žurnalista pryjšli staršy lejtenant adździeła achovy pravaparadku i prafiłaktyki Leninskaha RAUS Vojcieška i praparščyk Hryń, kab uziać tłumačeńni. «U mianie pytalisia, ci braŭ ja ŭ prafiesara Čarapicy intervju, kali heta było, čym ja zajmajusia, dzie pracuju… Jany skazali, što jość niekalki śviedkaŭ, jakija paćviardžajuć, što hetaje intervju było. Ja nijakaha pratakoła nie padpisvaŭ, tolki tłumačalnuju, składzienuju pavodle maich słovaŭ», – raspavioŭ Mialeška.
Andreja Mialešku sioleta ŭžo dvojčy štrafavali za parušeńnie art. 22.9. č.2 KaAP: pieršy raz – u červieni na 4 500 000 rubloŭ (30 bazavych), druhi – u kastryčniku na 5 250 000 rubloŭ (35 bazavych). Nahodaj byli artykuły na sajcie «Biełaruskaha Radyjo Racyja» pra akcyju hrodzienskich lekaraŭ «Za zdarovaje serca» i pra stvareńnie ŭ vobłaści ekałahičnaha zakaźnika
