Jak paviedamili ŭ Śledčym kamitecie, skončana rasśledavańnie zabojstva dziaŭčyny ŭ Minsku. Spravu pieradali prakuroru dla nakiravańnia ŭ sud.
18-hadovaja Julija Sałamacina źnikła 18 lipienia. Paśla pracy jana pajechała na sustreču z chłopcam, adkul nie viarnułasia. Jany paznajomilisia ŭ sacyjalnych sietkach.
Apieratyŭniki vyličyli, da kaho na kvateru pryjazdžała dziaŭčyny. Ale haspadaroŭ nie znajšli: 25-hadovy Pavieł z maci padalisia na ŭcioki.
Na kvatery ž vyjavili ślady zabojstva.
Paŭła z maci zatrymali praź niekalki dzion u Viciebskaj vobłaści.
«Praviedzienym rasśledavańniem ustanoŭlena, što
abvinavačany, znachodziačysia ŭ stanie ałkaholnaha apjanieńnia, u svarcy, remieniem zadušyŭ dziaŭčynu. Ab tym, što adbyłosia, paviedamiŭ maci. Sumiesna ź joj, chavajučy ślady zabojstva, vopratku i asabistyja rečy zabitaj pasprabavali spalić, a cieła pachavali ŭ lasnym masivie ŭ miežach horada. Paśla zroblenaha chavalisia ŭ lasach Minskaj i Viciebskaj abłaściej»,
— raskazali ŭ Śledčym kamitecie.
Ekśpierty pryznali syna i maci adekvatnymi. Padčas rasśledavańnia jany pryznali svaju vinu. Znachodziacca pad vartaj.
Chłopca vinavaciać u zabojstvie i paškodžańni aficyjnych dakumientaŭ, žančynu — va ŭkryvalnictvie zabojcy, srodkaŭ zabojstva, śladoŭ złačynstva i paškodžańni aficyjnych dakumientaŭ.