Nacyjanalny apieratar suviazi zasvoiŭ papularnuju sacsietku. Pres-słužba «Biełtelekama» paćvierdziła, što @BeltelecomBy — aficyjny akaŭnt.
Paśla nievialikaj «raskački» viadoŭca akaŭnta paabiacaŭ, što tvitar projdzie vieryfikacyju (praceduru spraŭdžańnia «aficyjnaści») i spasyłka na jaho źjavicca na aficyjnym sajcie «Biełtelekama».
U svaim tvitary «Biełtelekam» raspaviadaje pra ŭłasnyja naviny i akcyi, a taksama pieradaje IT-naviny biełaruskich vydańniaŭ. Viadoŭca akaŭnta ŭžo aktyŭna adkazvaje na pytańni čytačoŭ.
Akramia Twitter «Biełtelekam» taksama viadzie supołki «UKantakcie». Na byfly padpisanyja bolš za try tysiačy čałaviek, na ZALA amal paŭtysiačy, a voś na supołku «Biełtelekam» usiaho 16.