Žychary Biełarusi nie sutykajucca z prablemami z-za svajoj relihijnaj prynaležnaści, zajaviŭ siońnia žurnalistam Upaŭnavažany pa spravach relihij i nacyjanalnaściej Leanid Hulaka pierad pačatkam mižnarodnaj navukova-praktyčnaj kanfierencyi «Mižnacyjanalnaja zhoda i talerantnaść — kaštoŭnasnaja asnova jeŭrazijskaj intehracyi».
Biełaruś — šmatnacyjanalnaja i šmatkanfiesijnaja dziaržava. Jak adznačyŭ Leanid Hulaka, u Biełarusi adčuvajuć siabie kamfortna pradstaŭniki ŭsich pražyvajučych nacyjanalnaściej (zhodna ź pierapisam nasielnictva 2009 hoda, ich 140). Z 25 kanfiesij samaja masavaja — pravasłaŭje (amal 84 pracenty viernikaŭ), katolikami źjaŭlajucca 12,5 pracenta viernikaŭ, astatnija kanfiesii pradstaŭleny luteranami, iŭdziejami, musulmanami i inšymi. «Niama padstaŭ havaryć, što z-za relihijnaj prynaležnaści ŭ viernikaŭ u našaj krainie jość niejkija prablemy», — padkreśliŭ Upaŭnavažany pa spravach relihij i nacyjanalnaściej.
Na dumku Leanida Hulaki, vialikim vopytam u vybudoŭvańni harmaničnych mižnacyjanalnych i mižrelihijnych adnosin vyłučajecca partnior Biełarusi pa MS i Jeŭrazijskim ekanamičnym sajuzie Kazachstan, dzie realizujecca ŭnikalnaja madel mižetničnaj i mižnacyjanalnaj zhody - Asambleja naroda, anałahaŭ jakoj niama va ŭsim śviecie. U hetym płanie vopyt Kazachstana moža ŭjaŭlać intares dla inšych krain.
Nadzvyčajny i Paŭnamocny Pasoł Kazachstana ŭ Biełarusi Jerhali Bulehienaŭ adznačyŭ, što ź pieršych dzion niezaležnaści Kazachstan pravodzić metanakiravanuju palityku ŭ halinie mižnacyjanalnych adnosin i talerantnaści, u vyniku čaho ŭ krainie zachoŭvajucca mir i spakoj. Pavodle słoŭ dypłamata, vopyt Kazachstana cikavy nie tolki Asamblejaj naroda. Tak, pačynajučy z 2003 hoda, pravodzicca źjezd lidaraŭ suśvietnych i tradycyjnych relihij. Vyniki źjezdaŭ śviedčać ab tym, što jany źjaŭlajucca dobraj dyjałohavaj placoŭkaj dla pradstaŭnikoŭ usich relihij, kožny źjezd kolkaść delehacyj pavialičvajecca — u apošnim źjeździe ŭ 2012 hodzie pryniali ŭdzieł delehacyi z 85 krain śvietu, raskazaŭ pasoł.
Mižnarodnaja kanfierencyja arhanizavana ŭ Minsku Instytutam fiłasofii Nacyjanalnaj akademii navuk Biełarusi sumiesna z pasolstvam Kazachstana ŭ Biełarusi. Mierapryjemstva prachodzić u farmacie ekśpiertnaj dyskusii, u im prymajuć udzieł kiraŭniki dypłamatyčnych misij krain SND i šeraha inšych dziaržaŭ, rabotniki orhanaŭ dziaržaŭnaj ułady i kiravańnia, śpiecyjalisty-humanitaryi, jakija pradstaŭlajuć NAN i vyšejšyja navučalnyja ŭstanovy krainy. U dyjałohu ŭdzielnikaŭ kanfierencyi płanujecca vypracavać skaardynavanyja padychody pa pašyreńni idej mižnacyjanalnaj zhody i talerantnaści na jeŭrazijskaj prastory ŭ intaresach mirnaha suisnavańnia, sacyjalna-ekanamičnaha raźvićcia i intehracyi. Asablivuju značnaść hetyja idei nabyvajuć u kantekście ŭstupleńnia ŭ siłu dahavora ab Jeŭrazijskim ekanamičnym sajuzie z 1 studzienia 2015 hoda.
U čas kanfierencyi abmiarkoŭvajecca vopyt Kazachstana, Biełarusi i inšych dziaržaŭ jeŭrazijskaj prastory ŭ spravie zabieśpiačeńnia harmonii mižetničnych i mižkanfiesijnych adnosin.
