Na ruskaj movie pačali viaščańnie Nacyjanalnaja radyjokampanija Ukrainy (NRKU) i jaje tvorčaje abjadnańnie «Suśvietnaja słužba radyjoviaščańnia Ukrainy» (VSRU). Pra heta paviedamlaje Uradavy partał.
«Na pačatkovaj stadyi płanujecca dvuchhadzinnaja prahrama, jakaja składajecca z aktualnych navin, hramadska-palityčnych i kulturna-adukacyjnych prahram», - havorycca ŭ paviedamleńni.
Słuchać rasijskija pieradačy z Kijeva možna jak u efiry na častacie 1431 kHc, tak i ŭ internecie z 17:00 da 19:00 pa kijeŭskim časie (18:00—20:00 pa Minsku). Prahramy «Ukrainskaha radyjo» možna słuchać jak na terytoryi Ukrainy, tak i ŭ Rasii. Mahutny 800-kVt pieradatčyk zabiaśpiečvaje pakryćcio va Ukrainie i jeŭrapiejskaj častcy Rasijskaj Fiederacyi.
Internet-karystalniki mohuć słuchać prahramy na sajcie radyjo. Tut taksama publikujecca raskład prahramaŭ na ruskaj movie. Da pasłuh karystalnikaŭ taksama archiŭ pieradač — ich možna prasłuchać u luby zručny dla słuchača čas.
