U Minsku na vulicy Matusieviča adkryŭsia samy vialiki ŭ Biełarusi meblevy hipiermarkiet «Damašni ačah» handlovaj płoščaj 10 tysiač kvadratnych mietraŭ.
Jak paviedamiła žurnalistam kiraŭnik prajekta «Damašni ačah» Hanna Zabaronak, u hipiermarkiecie pradstaŭlena bolš za 140 meblevych vytvorcaŭ. Kala 67% mebli — biełaruskaja. 43% mebli pradajuć sami vytvorcy. Taksama ŭ «Damašnim ačahu» pradajecca mebla z Małajzii, Indaniezii — hałoŭnym čynam heta mebla z ratanha. Taksama jość sierbskaja, rumynskaja mebla. Nievialiki pracent zajmaje mebla z Kitaja.
50% składaje miakkaja mebla, 30% — korpusnaja, 20% — usie astatnija meblevyja siehmienty i pradmiety interjeru.
Asartymient meblevych tavaraŭ u «Damašnim ačahu» dasiahaje prykładna 25.000 adzinak.
Pavodle słoŭ kiraŭnika prajekta «Damašni ačah», asnoŭnaja metavaja aŭdytoryja hipiermarkieta — heta katehoryja ludziej ź siarednim i vyšejšym uzroŭniem dachodu, jakija žyvuć u kvaterach.
«My skiravanyja na toje, kab u nas było pradstaŭlena jak maha bolš kampanij, kab pakupnik, viedaŭ: tut jon moža pahladzieć usio, što jość na rynku. Akramia taho, my pracujem z dylerami, vučym ich pradstaŭlać vytvorcaŭ mebli tak, kab pakupnik moh sabrać z prapanavanaha asartymientu poŭnuju kvateru: spalniu, haścinuju, dziciačuju, kuchniu i piaredni pakoj ad roznych vytvorcaŭ».
«Nastupny etap raźvićcia — stvareńnie dziciačaha pakoja, dzie pakupniki mohuć pakinuć dzicia na čas naviedvańnia hipiermarkieta, — adznačyła Zabaronak, — a taksama stvareńnie meblevaha internet-partała, pakolki, pavodle našych daśledavańniaŭ, na kaniec hetaha hoda kala 75% pakupnikoŭ miesca pakupki vybirajuć mienavita praź internet».
Jak było adznačana na adkryćci novaha meblevaha handlovaha abjekta, hipiermarkiet raźmiaściŭsia ŭ samym hustanasielenym i chutkarosłym rajonie horada — Frunzienskim.
Jak adznačyŭ načalnik HU «Hałoŭnaje ŭpraŭleńnie spažyvieckaha rynku Minharvykankama» Siarhiej Barysievič, u Minsku handlujuć meblaj bolš za 700 mahazinaŭ. Profilnych meblevych mahazinaŭ — 194. U čaćviortym kvartale 2014 hoda adkrylisia try bujnyja mahaziny: hipiermarkiet «Aziarco» ŭ mikrarajonie Malinaŭka płoščaj 5.000 kv. m, krama «Trum» (3.800 kv. m) i hipiermarkiet «Damašni ačah».
Pavodle słoŭ Barysieviča, adkryćcio hipiermarkietaŭ — novaje i vielmi zručnaje rašeńnie dla pakupnika, kali «nie treba abjazdžać šmat drobnych mahazinaŭ pa ŭsim horadzie i ŭsio možna kupić u adnym miescy».
