Zaŭtra, 16 śniežnia, Nacyjanalny bank Biełarusi pačnie realizacyju pamiatnych maniet «Kanstancin Astrožski» ź sieryi «Umacavańnie i abarona dziaržavy». U Minsku maniety buduć pradavać u kasach centralnaha aparata NB RB pa adrasie: vulica Tałstoha, 6. Kasy pačynajuć pracavać z 9:30.
Taksama maniety možna budzie nabyć u Baranavičach, Breście, Pinsku, Viciebsku, Połacku, Homieli, Hrodnie, Mahilovie, Babrujsku. Najaŭnaść maniet u kasach možna spraŭdzić pa telefonach, ukazanych na sajcie Nacbanka.
Nahadajem, što piać tysiač pamiatnych maniet z vyjavaj hietmana VKŁ Kanstancina Astrožskaha byli adbityja ŭ kancy minułaha miesiana na manietnym dvary Nacyjanalnaha banka Respubliki Kazachstan. Dyzajnam maniety zajmałasia Śviatłana Zaskievič.
Dźvie tysiačy ź ich — sa srebra (spłaŭ 925) naminałam 20 rubloŭ. Astatnija zrobleny ź miedna-nikielevaha spłavu. Jany majuć mienšyja dyjamietr i naminał — 1 rubiel.
Na aviersie maniety źmieščany dziaržaŭny hierb Biełarusi, naminał maniety, a taksama vyjavy pierhamienta ź piačatkaj i bułavy — simvała hietmanskaj ułady. Reviers azdobleny partretam Kanstancina Astrožskaha i familnym hierbam.
Cana srebnaj maniety składaje 380 tysiačaŭ, miedna-nikielevaj — 50 tysiačaŭ rubloŭ.