Kurs rubla da bivalutnaha košyka ŭ «čorny paniadziełak» zaznaŭ najmacniejšaje padzieńnie z časoŭ defołtu 1998 hoda: paničny rasprodaž užo abhaniaje dynamiku suśvietnych cenaŭ na naftu. Zamiežnyja valuty vyraśli za dzień na rekordnyja za šmat hadoŭ šeść rubloŭ. Kurs pieravysiŭ 65 rubli za dalar i dasiahnuŭ 82 rubloŭ za jeŭra.
Kurs dalara raźlikami «zaŭtra» da 20.23 pavyšaŭsia na 6,3 rubla — da 64,4 rubla, kurs jeŭra — na 6,6 rubla, da 78,9 rubla, vynikaje sa źviestak Maskoŭskaj biržy. Na hetym padzieńnie nie spyniłasia. Momantami dalar dasiahaŭ 68 rubloŭ, na 22.00 jon spyniŭsia na 65,5.
Miarkujučy pa biržavych dadzienych, na rynak ź interviencyjami vychodziŭ Bank Rasii. Bujny pradaviec valuty realizavaŭ bolš za $500 miljonaŭ pa cenach nižejšych za rynkavyja, apuściŭšy kurs dalara prykładna na rubiel. Efiekt ad ŭmiašańnia rehulatara pratrymaŭsia nie bolš za dźvie hadziny, kursy valut znoŭ pačali raści.
