Izrailskija ŭłady spakojna i rašuča adreahavali na «hłybokuju zaniepakojenaść» Rasii, jakuju taja vykazała z nahody avijaŭdaraŭ izrailskich samalotaŭ pa abjektach na siryjskaj terytoryi 7 śniežnia.
Izrialskija F-16. Chutčej za ŭsio, takija samaloty z vysokadakładnymi rakietami i bombami nanieśli ŭdary pa schoviščach S-300.
Izrailskija ŚMI paviedamlali, što padčas bambiožki byli źniščanyja schoviščy z rasijskimi zienitna-rakietnymi kompleksami S-300, jakija byli zamoŭlenyja Siryjaj, ale pryznačalisia livanskaj isłamisckaj hrupoŭcy «Chiezbała».
«Toj, chto sprabuje ŭzbroić našych vorahaŭ, pavinien viedać, što jon pierachodzić «čyrvonuju liniju». My nikomu nie dazvolim stavić pad pahrozu biaśpieku Izraila i jaho hramadzian. My hatovyja ŭ luby čas źniščyć luby abjekt, jaki niasie pahrozu našaj biaśpiecy», — zajaviŭ ministr abarony Izraila Maše Jaałon, paviedamlaje 7kanal.co.il.
Premjer-ministr Izraila Bińjamin Nietańjachu vykazaŭsia jašče praściej: «Mianie nie turbuje žorstkaja reakcyja rasijskaha MZS».
ZRK S-300 na paradzie ŭ Maskvie. U zaležnaści ad rakiety moža źbivać celi na dalnaści da 150 km i na vyšyni da 27 km.
Damask damoviŭsia pra kuplu čatyroch batarej S-300 (pa šeść puskavych kompleksaŭ) u Maskvy jašče ŭ 2010 hodzie. U mai 2013 hodu prezident Siryi Bašar Asad paviedamiŭ, što Siryja atrymała pieršuju partyju S-300, adnak potym prezident RF Uładzimir Pucin zajaviŭ, što kantrakt nie realizavany.
Źjaŭleńnie rasijskich ZRK S-300 mahło pryvieści da ciažkich strataŭ avijacyi Izraila ŭ vypadku patencyjnaha kanfliktu. Bolš za toje, nievialikija pamiery krainy dazvalali b isłamistam źbivać pasažyrskija samaloty cyvilnaj avijacyi kala aeraportaŭ Chajfy i Tel-Aviva.
