Bieły dom paviedamiŭ, što prezident ZŠA Barak Abama da kanca hetaha tydnia padpiša pryniaty kanhresam zakon pra novyja sankcyi ŭ dačynieńni da Rasii i ab pradastaŭleńni dapamohi Ukrainie.
Pa słovach pres-sakratara Biełaha doma Džona Ernesta, Abama pa-raniejšamu adčuvaje peŭny niepakoj z nahody zakona, ale ličyć, što toj daje jamu nieabchodnuju svabodu dla manieŭru.
«Zakon ab padtrymcy svabody Ukrainy» nakładvaje sankcyi ŭ asnoŭnym na abaronnuju pramysłovaść Rasii.
Jon byŭ pryniaty ŭ minułuju subotu absalutnym bolšaściu ŭ kanhresie.
Kali amierykanski lidar padpiša zakonaprajekt, jaki demanstruje redkuju salidarnaść pamiž respublikancami i demakratami, ZŠA uviaduć sankcyi ŭ dačynieńni da «Rasabaroneksparta» i inšych rasijskich abaronnych pradpryjemstvaŭ.
Zakonaprajekt taksama dazvalaje prezidentu Abamu akazvać vajennuju dapamohu Ukrainie, ale nie abaviazvaje jaho hetaha rabić.
Akramia taho, budzie pašyrany indyvidualny sankcyjny śpis.
