Alaksandr Kraŭcevič. Fota z «Vikipiedyi».
16 i 17 śniežnia ŭ EHU adbylisia sustrečy kandydataŭ na rektarskuju pasadu EHU sa studentami ŭniviersiteta. Sa studentami sustrelisia Daryus Udrys, Šarunas Lijekis, Devid Polik, Edvard Rasłof, Alaksandr Milinkievič, Taćciana Ščytcova, Alaksandr Kraŭcevič.
Biełaruski historyk Alaksandr Kraŭcevič padzialiŭsia z «NN» svaimi ŭražańniami ab sustrečy.
«Uražańni samyja pryjemnyja, bo ja ŭbačyŭ darosłych ludziej, jakija ŭśviedamlajuć, što jany robiać i jakija niepakojacca za budučyniu svajho ŭniviersiteta. Kali ja zajšoŭ u korpus univiersiteta, adrazu adčułasia biełaruskaść. Chłopcy razdavali stužki z arnamientam, sa mnoj razmaŭlali pa-biełarusku. Ja ŭbačyŭ absalutna śvietłyja, śviadomyja, pryhožyja tvary.
Chvalavała, jak dalej budzie raźvivacca ich navučalnaja ŭstanova. Jany pytalisia, jak ja baču pierśpiektyvu raźvićcia EHU, jak ja płanuju raźvivać biełaruski składnik adukacyi. Chvalavali ich i typovyja studenckija prablemy: vizavyja pytańni, prablemy ź internatam. Ale hałoŭnaje — jakuju adukacyju budzie davać EHU, jak budzie pracavać hety ŭniviersitet dalej.
Byli kankretnyja pytańni, ja namahaŭsia davać kankretnyja adkazy. Naprykład, pra biełaruskaść ja skazaŭ, što, naprykład, usie namahańni, kab jana ŭzmacniałasia».
