Roźničnyja ceny na bienzin u ZŠA za apošnija dva tydni źnizilisia ŭ siarednim na 25 centaŭ i ciapier składajuć 2,47 dalara za hałon. Heta kala 65 centaŭ za 1 litr aŭtamabilnaha paliva z samaj nizkaj aktanavaj ličbaj.
U vyniku cana bienzinu ŭ ZŠA ciapier znachodzicca na minimalnym z maja 2009 hoda uzroŭni. Z maja hetaha hoda hałon aŭtamabilnaha paliva patańnieŭ bolš čym na 1,25 dalara.
Apytańnie ŭładalnikaŭ 2,5 tys zapravačnych stancyj, praviedzienaje słužbaj Lundberg Survey, pakazaŭ, što samy darahi bienzin pradajecca ciapier u pryharadzie Ńju-Jorka — na vostravie Łonh-Ajłend, dzie 1 hałon nizkahatunkavaha paliva kaštuje 2,82 dalara. Samy tanny bienzin možna znajści ŭ horadzie Tałsa (Akłachoma) — 2,06 dalara za hałon.
0
0
0
0
0
0
