«Śviežy viecier pieramien znosić staryja formy i niasie novuju radaść», — tak anansujuć muzyki novy sinhł.
Nie prajšło i tydnia, jak nieŭtajmavany Siarhiej Michałok i hurt Brutto pradstavili svaju viersiju pieśni «Voiny śvieta», jakaja stała hod tamu svojeasablivym himnam ukrainskaha Majdanu. «Śviežy viecier pieramien znosić staryja formy i niasie novuju radaść», — kamientujuć muzyki svaju pracu. Darečy, «brutaŭski» varyjant «Voinov śvieta» hučyć bolš ščylna i rokava, a ŭ projhryšy źjaŭlajecca flejta.
Nahadajem, što tydzień tamu Michałok i kampanija prezientavali sinhł «Budź śmiełym», jaki skłali treki ŭłasna «Budź śmiełym» na vierš Janki Kupały i novaja viersija «lapisaŭskaha» «Śviaŝiennoho ohnia». Darečy, pavarot Michałka ŭ zvykłuju dla prychilnikaŭ revalucyjna-sacyjalnuju tematyku pryjšoŭsia mnohim daspadoby. Maŭlaŭ, «a vy kažacie, što Michałok užo nie toj». Ciapier kamanda znachodzicca ŭ vialikim tury pa Rasii, dzie źbiraje anšłahi.
